Fjord og hav

Diktsamlinga "Fjord og hav" representerer 80 åringen Kjell Mangor Flotve sin debut som forfattar. Boka kan gjerne lesast som ei lyrisk reisefortelling. Med 46 korte dikt, alle illustrert av kunstnaren Otto Tveit, tar han oss med og fortel levande og i eit enkelt språk om si personlege reise gjennom 80 år -frå fjorden under fonna i Ålvik i Hardanger til hav, himmel og horisont på vestsida av Karmøy. Otto Tveit er oppvaksen ved den same fjorden som Kjell Mangor Flotve. Dikta handlar om korleis møte med menneske og natur i skiftande tider formar oss som menneske og påverkar personleg utvikling og synet vårt på både dei små tinga og dei store eksistensielle spørsmåla i livet. Gjennom kombinasjonen av dei enkle lyriske tekstane og uttrykksfulle illustrasjonane skildrar han livet med alle sine sider, kjensler og fargenyansar og utfordrar lesaren til ettertanke.