Første tida syns Eva det er spennande, men ho veit snart ikkje om ho verkeleg ønskjer å bli fornedra og pint slik av den nye elskaren. Likevel må ho stadig oppsøkje han. Men korleis er så denne vakre, vene, kjære, forferdelege mannen, som forteljaren seier ho er ferdig med, men som ho likevel dediserer alle sidene i boka til, og var det ikkje slik at ho sjølv gav seg over til desse mørke og smertsame lystene? Boka skildrar eit forhold med innkrøkte, utydige bindingar og forvirrande sterke kjensler.
